Zëvendësimi i gypave të azbestit me ato të plastikës është gati në përfundim e sipër. Punimet kanë filluar prej më shumë se 2 javë dhe ishte paraparë që deri në fund të vitit të njëjtat të kryhen. Kjo iniciativë u morë përsipër nga Komuna e Strugës, gjë të cilën ata e kishin premtuar edhe në votimet e fundit. 

Punimet janë ndërprerë ditët e fundit pa ndonjë shpjegim apo arsye nga organet komunale dhe sipas informacioneve të pa konfirmuara ndërprerja është bërë nga „ProAqua“ pa dhënë ndonjë shpjegim apo arsye. Vlen të theksohet se zëvendësimi i gypave është bërë pjesërisht respektivisht deri tek Adili, ndërkaq ka ngelur vetëm mbyllja e kanalit të hapur dhe vënia e gypave në pjesën e ngelur, aty ku duhet të bëhet edhe lidhja me gypat e tjerë të plastikës.

Ndërkohë nuk ka asnjë informacion  nga Komuna e Strugës apo edhe nga „Proaqua“ se kur do vazhdojnë punimet dhe sa do të zgjasin ato.