Qendra e Vullnetarëve, një organizatë që promovon vullnetarizmin, ka nderuar me “Certifikatë të Artë”, banorët e Klaishtit të cilët me vet kontribut kanë rinovuar shkollën e tyre, në mungesë të ndihmës institucionale për ta bërë këtë.

Banorët e Kalishtit, duke u ndihmuar sidomos nga bashkatdhetarët nga ky fshat që jetojnë dhe qëndrojnë jashtë vendit, arritën të rinovojnë objektin e shkollës së tyre duke u krijuar nxënësve të kësaj shkolle kushte më të mira për zhvillimin e procesit edukativo-arsimor.