Kalishti shtrihet në pjesën jug-perëndimore për reth bregut të liqenit të Ohrit dhe është fshati i vetëm në Maqedoni me këtë pozitë të volitshme gjeografike. Në lindje i gjithë fshati shtrihet në breg të liqenit, kurse në anën jug-perëndimore kufizohet me fshatin e Frengovës, duke vazhduar kështu deri në veri-perëndim, aty ku shtrihet fshati Ladorisht.

Me të dy këto fshatra ne jemi të lidhur me rrugë lokale, që pastaj këto rrugë na lidhin gjithashtu edhe me fshatrat e Fierishtës, Teferiqit, Shumit dhe Zagraçanit.

Distanca që na ndan prej qytetit të Strugës, është pothuajse vetëm 3 km largësi, dhe e gjithë kjo rrugë është lokale duke ju mundësuar njëkohësisht shumë fshatarëve që të merren me punë të ndryshme ne Strugë.Gëzojmë pozitë të rrafshët gjeografike nga natyra dhe jemi në një lartësi mbidetare prej 696 metra, dhe si rezultat i kësaj në fshat është i zhvilluar turizmi ku ekzistojnë 4 hotele të cilat posedojnë një kapacitet të madhë të dhomave për turistë dhe një pamje vërtet mahnitëse të liqenit.Camping Rino dhe Sunrise gjithashtu janë pjesë e turizmit, të cilat gëzojnë një ngritje të suksesshme vitet e fundit.

Fshatarët merren kryesisht me peshkim, e një pjesë e madhe e saj është e detyruar ta siguroj egzistencën jashtë vendit, ashtu edhe sikurse shumë shqiptarë të tjerë nga trevat shqiptare.Natyrisht që nuk mungojnë edhe nga ata që merren me blegtori dhe bujqësi.

Disa fshatar gjithashtu kanë bizneset e tyre si restorante, zdrukthtari dhe shitore të vogla për nevojat elementare të fshatarëve.

Kalishti ka shkollën fillore deri në katër vjet, ndërsa prej klasës së pestë deri në klasën e tetë dhe nga viti i parë deri në vitin e katërt, nxënësit e ndjekin mësimin në qytetin e Strugës në shkollën tetëvjeçare “Vllezërit Milladinov” dhe në gjimnazet “Niko Nestor” dhe “Ibrahim Temo”


Ndonëse levizjet drejt perendimit janë të kufizuara nga komuniteti ndërkombëtar, përsëri emigrohet dhe fatkeqësisht në numër shumë të madh . Kjo është “plaga” që në kohë të fundit ka marr një vrull të pa ndalur. Kjo bën që në fshat të mungoj loja dhe argëtimi i fëmijëve, përpos në sezonin kur mërgimtarët këthehen për pushime.Një vecori tjetër e fshatit tonë është se në krahasim me fshtarat e tjerë të rrethinës së Strugës, kalishtarët flasin rrjedhshëm dhe më pastër gjuhën shqipe gjegjësisht dialektin toskë. Përvec këtyre karakteristikave, Kalishti njihet edhe si fshat mikpritës dhe mirëdashës. Këtë e ka treguar me bujarin e tij që vit pas viti ka pritur dhe përcjellur turist nga mbarë bota.