Nga i gjithë rinovimi i shkollës, kanë ngelur pothuajse detajet për tu përfunduar dhe pastrimi. Të gjitha klasët janë shtruar me estrih, korridori edhe zyra gjithashtu. Dyshemeja e zyrës do shtrohet me pllaka, kurse korridori edhe klasët do shtrohen me dysheme të gomës dhe një klasë me tepik. 

Brenda shkollës sa i përket lyerjes ka ngelur vetëm faza finale, ajo e ngjyrave dhe llakut.

Dritare dhe dyer  janë montuar edhe në pjesën veriore të shkollës, aty ku është vendi i materialit ku më parë ishte vetëm një derë provizore nga shufra të hekurit.

Oborri i shkollës gjithashtu do të pastrohet dhe në të ardhmen do të mirëmbahet gjelbërimi. Është duke u shqyrtuar edhe ideja nëse do të bëhet edhe një kënd me lojëra për fëmijë.

Së fundi edhe familja e futbollistit Pajtim Kasami,  e cila në kontakt me Urim Jusufin, ka ndihmuar financiarisht këtë iniciativë të marrë nga ana jonë. Ne  shprehim mirënjohje dhe falënderime të veçanta për babain e Pajtimit, Maliq Kasami. Gjithashtu mirënjohje edhe për të gjithë të tjerët që kanë ndihmuar, dhe vazhdojnë të ndihmojnë. Në ditët në vazhdim do publikojmë listën e të gjithë atyre që na mbështetën gjatë gjithë rinovimit.