Më në fund një investim serioz në fushën e turizmit gradualisht konkretizohet në Komunën e Strugës.

Bëhet fjalë për hotelin e dikurshëm ‘’Izgrev’’në fshatin Kalishtë të lënë në mëshirën e fatit dhe degradimit i cili falë një investimi të konsiderueshëm të investitorëve turq po shëndrrohet në një objekt turistik me pesë yje . Xhan Yagri menaxheri turk i cili drejton punimet në këtë investimi konfirmon për gazetën ‘’Koha’’ se ky kapacitet hotelerik përvec se do të plotësoj standartet më të larta të një hoteli me pesë yje do të ketë edhe Aqua Parkun  më të madhin të ndërtuar  në Maqedoni,  spacentrën,sallën e kongreseve si dhe 220 dhoma  kualitative dhe moderne për pushuesit.

Yagriu thotë se sipas gjithë gjasave pritet që ky kapacitet hotelerik të jetë gati në mesin e muajit korrik ku pritet të punësohen deri në 160.”Po punohet me intezitet të shtuar në mënyrë që gjatë muajit korrik ky hotel tërësisht të jetë në shërbim të plotë të pushuesëve .

Falë këtij investimi do të angazhohen fillimisht rreth 160 puntorë me mundësin që në të ardhmen ky numër të shtohen në bazë të nevojave të cilat do të paraqiten.Përzgjedhja do të bëhet në bazë të një konkursi publik dhe do të vlejë vetëm për aplikantët që do të vinë nga vendi ”përfundon Yagri.Investitorët turq me koncesion hotelin e braktisur e morën me koncesion nga Kisha ortodokse Maqedonase së cilës iu dhurua si kompenzim gjatë procesit denacionalizimit.

Investimi priteshte që gjatë viti 2013 të ishte gati sipas investitorëve turq ,por si rezultat i procedurave administrative dhe kohës që përkoi me ndërrimin e kryetarit të Komunës dhe fushatës elektorale  dhe kohës së nevojshme për lejet ndërtimore pati një prolongim të punimeve.Hoteli “Izgrev”  në afërsi të fshatit Kalishtë të Strugës dikur krenaria e turizmit në Strugë për vite të tëra  qëndroi i braktisur totalisht dhe po degradonte drejt një shkatërrimi përfundimtar

.Ky aset i turizmit në Strugë për shumë kohë ishte  pre i gjahtaërve të hekurishteve ,ndërsa gjatë natës ambientet përreth tij shëndroheshin në një streh të sigurt për adhuruesit e seksit në natyrë, të cilët prej vitesh ishin mysafirët më të rregullt të hotelit të braktisur .Në zonën në afërsi të fshatit Kalishtë janë të përqëndruar disa hotele të ndërtuara në vitet e bumit turistik në ish Jugosllavi i cili përfshiu edhe këto hapësira.

Aktualisht për momentin funksional janë vetëm hotelet ”Biser ”dhe ”Makpetrol” ndërsa ‘’Izgrevi’’ dhe ‘’Skopje’’ prej vitesh janë jashta funksionit.(KOHA/Strugalajm.com)